ایک نیوز نیوز : تحریک انصاف کے رکن پنجاب اسمبلی خرم لغاری نے پی ٹی آئی چھوڑنے کے اعلان پریوٹرن لے لیا۔اپنے نئے ویڈیو بیان میں کہا کہ میرا قافلہ لانگ مارچ میں شرکت کیلئے رواں دواں ہے اور مونس الٰہی کی قیادت میں لانگ مارچ میں شرکت کیلئے جارہا ہوں۔انہوں نے کہا کہ عمران خان اور پرویز الٰہی کے ساتھ کھڑے ہیں اور کھڑے رہیں گے۔
خرم لغاری کے مظفر گرڑھ کے 5 ایم پی ایز کے ہمراہ پارٹی چھوڑنے کے اعلان کی ایم پی اے سردار عبد الحئی دستی نے سختی سے تردید کردی
— Azhar Mashwani (@MashwaniAzhar) October 28, 2022
وہ #حقیقی_آزادی_مارچ کی تیاریوں میں مصروف ہیں pic.twitter.com/NQJNIWOEyd
واضح رہے کہ رکن پنجاب اسمبلی خرم لغاری نے آج صبح تحریک انصاف چھوڑنے کا اعلان کیا تھا اور دعویٰ کیا تھا کہ پی ٹی آئی کے4 دیگرایم پی ایز بھی پارٹی چھوڑ رہے ہیں۔انہو ں نے پنجاب کابینہ کے حوالے سے تحفظات کا اظہار کیا تھا اورمطالبہ کیا تھا کہ بتایا جائے کہ پنجاب کابینہ میں شامل ہونے کا معیار کیا ہے۔