ایک نیوز نیوز: سندھ کے صوبائی دارالحکومت کراچی میں افسوسناک واقعہ پیش آیا ۔ شہریوں نےماڑی پور روڈ پر ٹیلی کام کمپنی کے 2 ملازمین کو اغوا کار سمجھ کر بے رحمانہ قتل کردیا اور اُن کی گاڑی بھی نذر آتش کردی ۔
تفصیلات کے مطابق کراچی کے علاقے مچھر کالونی میں عوام کے تشدد سے جاں بحق ٹیلی کام کمپنی کے ملازمین کی شناخت ہوگئی ہے۔
مقتولین کی شناخت انجینئر ایمن جاوید اور ڈرائیور اسحاق کے ناموں سے ہوئی ۔ ذرائع کے مطابق مقتولین جاز کمپنی کے علاقے میں سگنل چیک کررہے تھے ۔ گاڑی میں لیپ ٹاپ کے ساتھ انجنئیر بھی ٹاور سگنلز چیک کررہا تھا۔ اہل علاقہ نے ٹیلی کام کمپنی کے دو ملازمین کو ڈاکو قرار دیکر سفاکانہ طریقے سے قتل کردیا گیا۔
ڈاکس مچھر کالونی میں عوام نے مبینہ ڈاکو ہونے کے شبہ میں دو افراد کو بدترین تشدد کرکے قتل کر دیا پولیس واقعے کی تفتیش کر رہی ہے دونوں افراد کار میں سوار تھے ابتدائی اطلاع میں ملزمان سے کوئی اسلحہ بھی نہیں ملا علاقہ مکین کبھی ڈاکو کبھی اغوا کار کہہ رہے ہیں ،پولیس #Karachi pic.twitter.com/wySPrHFE9o
— Samar Abbas ???????? (@Samarjournalist) October 28, 2022
واقعے کی تحقیقات کیلئے ایس ایس پی کیماڑی فدا جانوری جائے وقوعہ پہنچ گئے ۔
فدا حسین جانوری نے میڈیا سے گفتگو کرتے ہوئے کہا یہ پسماندرہ علاقہ ہے جہاں افواہ پھیلائی گئی کہ بچوں کو اغواء کیا جارہا ہے۔ بھرے مجمعے نے دونوں ملازمین پر حملہ کیا ۔ دونوں مقتول کسی ٹیلی کام کمپنی کے ملازم تھے، علاقہ میں سگنل چیک کرنے کیلئے آئے تھے۔
انہوں نے مزید کہا کہ ایک عینی شاہد بھی جائے وقوعہ سے ملا ہے۔ اس کا بیان لیا جائے گا۔ مقدمہ درج کرنے کے بعد میرٹ پر تحقیقات کی جائے گی۔ واقعہ میں ملوث تمام ملزمان کو گرفتار کیا جائے گا۔
واضح رہے کہ ڈی آئی جی ساؤتھ نے نوٹس لیتے ہوئے ایس ایس پی کیماڑی کو واقعہ کی بذات خود انکوائری کرنے کی ہدایت کی ہے۔
کراچی کے علاقے مچھر کالونی میں ٹیلی کام کمپنی کے 2 ملازم عوام کے تشدد سے ہلاک، ایس ایس پی کیماڑی فدا حسین جانوری متوفی سگنل چیک کرنے آئے تھے اور افواہ پھیلائی گئی کہ بچوں کو اغواء کیا جارہا ہے۔ #Karachi # pic.twitter.com/9XXIkbvp3T
— Khabarwalay (@khabarwalay0) October 28, 2022