دنیا کا سب سے بڑا تاش کا پتہ  

ویب ڈیسک:مخصوص تاش کے پتے بنانے والے انسان نے دنیا کا سب سے بڑا تاش کا پتہ بنا کر  دوسراگینیز بک آف ورلڈ ریکارڈ میں اپنا نام کھوا دیا۔
رواں برس کے شروع میں راب نے تھری ڈی پرنٹنگ ٹیکنالوجی کا استعمال کرتے ہوئے دنیا کی سب سے چھوٹی تاش کی گڈی (5.0 mm x 3.6 mm) بنا کر پہلا ریکارڈ قائم کیا تھا۔
اسکے بعد انہوں نے دنیا کے 2.87 میٹر بڑے تاش کے پتے کا ریکارڈ توڑنے کا فیصلہ کیا، اس سے پہلے یہ ریکارڈ بھارت کے رام کمار سارنگاپانی نے 2020 میں بنایا تھا،اس ریکارڈ کی شرائط میں کارڈ کا عام سائز سے بہت بڑا ہونا اور کمرشل مارکیٹ میں دستیاب کارڈ کی نقل بنانا تھا۔
راب نے بہت ساری چھوٹی تصاویر کا ایک موزائک بنا کر دل کے بادشاہ کا پتہ تشکیل دیا اور حال ہی میں لندن میں قائم گینیز ورلڈ ریکارڈز کے دفتر میں بھیجا،اس کارڈ کی اونچائی 3میٹر اور چوڑائی 2.02 میٹر ہے، یہ کارڈ دنیا کے سب سے طویل القامت شخص سلطان کوسین سے بھی بڑا ہے۔