بالی وڈ کو خیرباد کہہ کر گھر جانے کا فیصلہ کرلیا تھا:شاہ رخ خان

ویب ڈیسک: بالی وڈ کنگ شاہ رخ خان نے انکشاف کیا ہے کہ انکے کیرئیر میں ایک وقت ایسابھی تھا جب انہوں نے بالی وڈ کو خیرباد کہنے کا فیصلہ کرلیا تھا۔
بھارتی میڈیا کی رپورٹس کے مطابق دبئی میں حال ہی میں منعقدہ تیسری گلوبل فریٹ سمٹ کے دوران شاہ رخ خان نے اپنے کیرئیر سمیت نجی زندگی پر بات کی، گفتگو کرتے ہوئے شاہ رخ خان کا کہنا تھا کہ جب میں سیٹ  پر آیا تو مجھے لگا کہ میں ایک بہترین ایکٹر ہوں اور پھر اس سوچ نے مجھے زیادہ پراعتماد کردیا لیکن پھر کچھ عرصےبعد بمجھے احساس ہوا کہ سیٹ پر موجود ہر شخص مجھ سے بہتر ایکٹنگ جانتا ہے ۔
شاہ رخ نے بالی وڈ کو خیر باد کہنے کے فیصلے کو یاد کرتے ہوئے کہا کہ اسکے بعد میں نے دہلی واپسی کیلئے  پہلی فلائٹ بک کروالی، مجھے آج بھی یاد ہے کہ اس وقت انٹرنیشنل فلائٹ25فیصد سستی ہوتی تھی کیونکہ میں اس سے مہنگی دوسری فلائٹ افورڈ نہیں کرسکتا تھا۔
شاہ رخ خان کا کہنا تھا کہ میرے نزدیک روزانہ جاگنا صرف اس بات کا احساس دیتا ہے کہ مجھے بہت کچھ سیکھنے کی ضرورت ہے، اس کے بعد میں نے ہر بار اور بار بار سیکھا جس سےمجھے اپنے کیرئیر کے35سالوں کے دوران بہت کچھ سیکھنے کو ملا۔