تم دہشت گرد ہو ، بھارتی پروفیسر کی کلاس میں مسلمان طالبعلم کی تذلیل

 ایک نیوز نیوز: بھارتی ریاست کرناٹکا کی ایک یونیورسٹی میں  بھری کلاس میں دہشتگرد کہہ کر طالبِ علم کی تذلیل کرنا  ہندو پروفیسر کو مہنگا پڑگیا، مسلمان  طالبِ علم نے  پروفیسر کو کھری کھری سُنادیں جس کی ویڈیو سوشل میڈیا پر وائرل ہو گئی۔
بھارت میں ہندو  انتہا پسندی اور مسلمانوں سے تفرت کی تمام حدیں پار ہو گئیں پروفیسر نے بھری کلاس میں مسلمان طالبِ علم کو دہشتگرد کہہ دیا۔
مسلم طالبِ علم نے پروفیسر کو سخت جواب دیتے ہوئے کہا کہ یہ مذاق قابلِ برداشت نہیں، آپ میرے مذہب کا مذاق نہیں اُڑا سکتے، بطور مسلم بھارت میں رہتے ہوئے مذہب کے خلاف بات برداشت کرنا مذاق نہیں۔
طالبِ علم کا مزید کہنا تھا کہ آپ کلاس میں مجھے کیسے اتنے لوگوں کے سامنے دہشتگرد کہہ سکتے ہیں، آپ ٹیچر ہیں، آپ مجھے اس طرح نہیں کہہ سکتے۔