ایک نیوز: لاہور کی سیاست کے دلچسپ کردار اور خود کو ’متبادل وزیراعظم‘ کہلوانے والے ڈاکٹر امبر شہزادہ انتقال کر گئے۔
تفصیلات کے مطابق پیر کی شام اُن کے بھائی نواب عابد حسین نے فیس بک پر لکھا کہ ’میرے بڑے بھائی نواب ڈاکٹر امبر شہزادہ قضائے الہٰی سے وفات پا گئے ہیں۔‘
صحافی ماجد نظامی نے اُن کی وفات پر لکھا کہ ’وہ کونسلر سے صدر پاکستان تک کے تمام الیکشن لڑے۔ سیاست میں کرپشن اور وفاداری بدلنے والوں پر مزاح میں تنقید کرتے تھے اور خود کو نیم کرپٹ کہتے تھے۔‘
انکی انتخابی مہم کا ایک پرچہ ابھی بھی سیو تھا pic.twitter.com/Dp4skwz0eU
— Abdullah (@asjid90) March 27, 2023
یاد رہے آپ جناب سرکار فاؤنڈیشن کے چیئرمین، بانی صدر انٹرنیشنل انجمن ضمیر فروشاں نواب زادہ ڈاکٹر امبر شہزادہ مرنجاں و مرنج شخصیت گوالمنڈی کے حلقہ سے نواز شریف کے مدمقابل الیکشن لڑا کرتے تھے۔ امبر شہزادہ جیسے غیر روایتی اور تخلیقی کردار مردہ معاشروں میں پنپ نہیں سکتے۔ ان کا تعلق لائل پور (فیصل آباد) سے تھا۔‘
’نیم کرپٹ آوے گا۔ مُلک ترقی پاوے گا، کا نعرہ لگانے والے نواب امبر شہزادہ بھی چلے گئے۔‘
امبر شہزادہ راوین تھا۔ بہت سادہ دل تھا۔ الیکشن لڑنے کا شوق تھا۔ ہنسی مذاق میں سیاسی ، جوڑ توڑ مارشل لاء کو ننگا کرتا تھا۔ ہر طرح سے ایک جمہوری تحریک کا ہیرو تھا۔ اسکی موت کا سن کر افسوس ہوا۔ pic.twitter.com/a8x6X4Nfo1
— Waqass وقاص (@AWGoraya) March 27, 2023
فرخ مرغوب نے فیس بک پر لکھا کہ امبر شہزادہ بھی چلے گئے۔ وہ ہمارے معاشرے، سیاستدانوں، کاروباری افراد کے بدنما چہرے کو انتہائی معصومیت سے عوام کے سامنے پیش کرتے۔ امبر گورنمنٹ کالج کے طالبعلم رہے، وہ خود کو جھوٹا، فریبی کہتے۔ بے ایمانی اور لوٹ مار کو اپنا منشور کہتے۔ ایسا سچا انسان اب پاکستان میں پیدا نہیں ہوگا۔‘
محبوب عارف نے کہا کہ ’ اکثر کہا کرتے تھے کہ میں اپنے نام کے ساتھ ڈاکٹر اس لیے لکھتا ہوں کہ میں نے بیالوجی کے ساتھ ایف ایس سی کی ہوئی ہے۔