ایک نیوز: رمضان میں آٹا بھی غریب کی پہنچ سے دور ہوگیا۔ چکی ایسوسی ایشن نے آٹے کی قیمت میں مزید اضافہ کردیا۔
تفصیلات کے مطابق لاہور آٹا چکی ایسوسی ایشن نے آٹے کی قیمت میں 10 روپے فی کلو کا اضافہ کر دیا۔
ترجمان لاہور آٹا چکی ایسوسی ایشن کا کہنا ہے کہ اوپن مارکیٹ میں گندم مہنگی ہونے کی وجہ سے آٹا مہنگا کرنا پڑا، آج سے چکی آٹے کا ریٹ 160 سے بڑھا کر 170 روپے فی کلوکر دیا گیا ہے۔
واضح رہے کہ ایک ہفتے کےدوران چکی آٹے کی قیمت میں 20 روپے فی کلو کا اضافہ ہوچکا ہے۔