اتحاد ائیرویزنےسمر پرموشن میں کم قیمت ٹکٹوں کااعلان کردیا

ایک نیوز:اتحاد ائیرویزنےمتحدہ عرب امارات سے مختلف ملکوں کیلئےسمر پرموشن میں کم قیمت ٹکٹوں کااعلان کردیا۔
تفصیلات کے مطابق ابواظہبی سےتعلق رکھنے والی اتحاد ائیرویز نے متحدہ عرب امارات کے ان رہائشیوں کیلئے موسم گرما کی ابتدائی فروخت کا اعلان کیا ہے جو گرمیوں کے موسم میں سفر کرنے کا ارادہ رکھتے ہیں۔اتحادائیرویزنے سمرپرموشن کے تحت متحدہ عرب امارات سے مختلف ملکوں کیلئے کم قیمت ٹکٹوں کااجراشروع کرنے کااعلان کردیاہے۔
اس پروموشن کے تحت ابوظہبی سے بھارت کے شہر کولکتہ کیلئے اکانومی کلاس کا ریٹرن ٹکٹ صرف نو سو پچانوے درہم میں ہوگا ۔
اسی طرح 1,195 درہم میں قاہرہ، 2,395 درہم میں منیلا، 2,495 درہم میں سنگاپور، 2,595 درہم میں پیرس اور 2,795 درہم میں لندن کے ریٹرن ٹکٹ کی آفر متعارف کروائی گئی ہے۔
مسافراس آفرسے 31 مارچ 2023ء تک خصوصی سیل کرایوں پر اپنی پروازیں بک کر سکتے ہیں اور 1 مئی سے 15 جون 2023ء کے درمیان سفر کر سکتے ہیں۔