تفصیلات کے مطابق ادکارہ ماہرہ اور فہد مصطفی کی نئی فلم" قائداعظم زندہ باد "کے چرچے تو پچھلے دو ہفتوں سے چل رہے ہیں ,لیکن فلم کے پہلے گانے کی ریلیز کے بعد سب کی خوشی میں اضافہ ہو گیا ۔ اس گانے "لوٹارے" میں ماہرہ اور فہد نے اپنی بہترین پرفارمنس اور ڈانس سٹیپس نے سب کے دل جیت لیے۔
واضح رہے کہ اس گانے کو گلوکارہ آئمہ بیگ اور گلوکار اسرار شاہ نے اپنی سریلی آواز میں گایا ہے جبکہ اس کی موسیقی کو شانی ارسچ نے ترتیب دیا۔اداکار فہد مصطفی اور ماہرہ خان پہلی بار ایک ساتھ سکرین پر اداکاری کے جوہر دکھا رہے ہیں۔