ایک نیوز : انجیر ایک ایسا پھل ہے، جو نہ صرف ذائقے میں اچھا ہے بلکہ اسے ہزاروں سالوں سے دوا کے طور پر استعمال کیا جا رہا ہے۔
رپورٹ کے مطابق انجیر میں اینٹی کارسینوجینک، اینٹی آکسیڈنٹ، اینٹی سوزش، چکنائی کم کرنے والی اور خلیات کی حفاظت کرنے والی خصوصیات ہیں جو اسے صحت مند جسم کیلئےبہت اہم بناتی ہیں۔ خشک انجیر ایک صحت بخش خشک پھل بھی ہے۔
انجیر ایک کم کیلوریز والا پھل ہے جس میں کاپر، میگنیشیم، پوٹاشیم، رائبوفلاوین، تھامین، وٹامن بی 6 اور وٹامن کے بھرپور ہوتے ہیں۔ انجیر اینڈوکرائن، سانس، ہاضمہ، تولیدی اور قوت مدافعت کے عمل کو مضبوط بنانے میں بھی مفید ہے۔
جگر کی حفاظت ،گلوکوز کی سطح کو کم کرنے میں موثر :
عالمی ادارہ صحت کے مطابق تحقیق سے معلوم ہوا ہے کہ انجیر جگر کی حفاظت اور گلوکوز کی سطح کو کم کرنے میں بہت موثر ہے۔ اس طرح یہ ذیابیطس کو کنٹرول کرنے میں بھی بہت فائدہ مند ثابت ہوسکتا ہے۔
آنتوں کو صحت مند رکھنے کیلئے موثر:
انجیر میں فائبر اور پری بائیوٹک عناصر وافر مقدار میں پائے جاتے ہیں جو آنتوں کو صحت مند رکھنے کا کام کرتے ہیں جس کی وجہ سے نظام ہاضمہ بہتر طریقے سے کام کر سکتا ہے۔ یہ قبض کے مسئلے کو دور کرنے کی بھی صلاحیت رکھتا ہے اور السر جیسے مسائل سے بھی تحفظ فراہم کرتا ہے۔
دل کی صحت کیلئے موثر:
انجیر کھانے سے دل بھی صحت مند رہتا ہے۔ دراصل اس کے استعمال سے بلڈ پریشر یعنی ہائی بلڈ پریشر کا مسئلہ کنٹرول میں رہتا ہے اور یہ اچھے کولیسٹرول کو بڑھا کر برے کولیسٹرول کو کم کرنے کا کام کرتا ہے جس سے ہارٹ اٹیک اور ہارٹ فالج کا خطرہ کم ہوتا ہے۔ یہ پوٹاشیم سے بھرپور پھل ہے، جو سوڈیم کا توازن درست رکھتا ہے، جس سے دل کی بیماری کے خطرے سے بچا جا سکتا ہے۔
ہڈیوں کو مضبوط کرنے میں موثر
یہ خواتین میں ماہواری کے درد جیسے مسائل کا بھی علاج کرتا ہے۔ اس کے علاوہ یہ ہڈیوں کو مضبوط کرتا ہے، جلد کی الرجی، خشکی وغیرہ کو دور کرتا ہے۔ یہ بالوں کو صحت مند رکھنے کا بھی کام کرتا ہے۔