ایک نیوز نیوز: حریت رہنما یاسین ملک کو تہاڑ جیل میں بھوک ہڑتال پر رہنے کی وجہ سے طبیعت بگڑنے پر ہسپتال منتقل کیے جانے کے بعد اہلیہ مشعال ملک کا اہم بیان سامنے آگیا۔
یاسین ملک کی اہلیہ مشعال نے سوشل میڈیا پر بیان جاری کرتے ہوئے کہا کہ حریت رہنما کی بھارتی تہاڑ جیل میں بھوک ہڑتال کی وجہ سے حالت تشویشناک ہے۔
مشعال نے کہا کہ یاسین ملک ہسپتال میں داخل ہیں،ان کی جان خطرے میں ہے جبکہ انہوں نے ڈاکٹروں سے طبی امداد لینے سے انکار کر دیا ہے۔
یاسین ملک ہسپتال میں داخل ہے اور ان کی جان کو بہت زیادہ خطرہ ہے۔مشعال ملک
— Mushaal Hussein Mullick (@MushaalMullick) July 27, 2022
یاسین ملک نے ڈاکٹروں سے طبی امداد لینے سے انکار کر دیا ہے۔مشعال ملک #JusticeForYasinMalik #FreeYasinMalik #ReleaseYasinMalik #KashmiriLivesMatter pic.twitter.com/2jE6VSu5kB
مشعال ملک کا کہنا تھا کہ یاسین ملک کے ساتھ بھارتی عدالتوں کے رویے پر دنیا کی مجرمانہ خاموشی پر افسوس ہے،انسانی حقوق کی تنظیمیں میرے شوہر کو انسانی حقوق سے محروم کرنے کی بھارتی سنگین خلاف ورزی کا نوٹس لیں۔
بھارتی میڈیا کے مطابق یاسین ملک گزشتہ کئی روز سے بھوک ہڑتال پر ہیں جس کی وجہ سے ان کے جسم میں پانی کی کمی ہوگئی، انہیں انجیکشن کے ذریعے فلوڈز دیے جارہے تھے لیکن وہ یاسین ملک کے لیے کافی نہیں تھے۔
58 سالہ یاسین ملک نے جمعہ کی صبح سے غیر معینہ مدت تک بھوک ہڑتال کا اعلان اس وقت کیا جب انہیں ربیعہ قتل کیس میں عدالت میں پیش ہونے کی اجازت نہیں دی گئی۔