ایک نیوز:شمالی وزیرستان میں سکیورٹی فورسز کا آپریشن،6دہشت گرد جہنم واصل کردیئے۔ایک فوجی جوان زخمی ہوا۔
آئی ایس پی آر کے مطابق سکیورٹی فورسز نے شمالی وزیرستان میں خفیہ اطلاعات پر آپریشن کیا۔شدید فائرنگ کے تبادلے میں 6دہشت گرد ہلاک ہو گئے ۔ہلاک دہشت گردوں سے اسلحہ، گولہ بارود اور دھماکہ خیز مواد بھی برآمد ہوا ۔ دہشت گرد ٹارگٹ کلنگ، بھتہ خوری اور معصوم شہریوں کے اغوا سمیت دہشت گردانہ کارروائیوں میں ملوث تھے۔
ترجمان پاک فوج کے مطابق علاقے میں پائے جانے والے کسی دوسرے دہشت گرد کو ختم کرنے کے لیے سینی ٹائزیشن آپریشن بھی کیا گیا۔علاقہ مکینوں نےآپریشن کو سراہتے ہوئے دہشت گردی کے خاتمے کے لئے بھرپور تعاون کا اظہار کیا۔