وزیراعلیٰ پنجاب کا لاہور تعلیمی بورڈ کا دورہ، بیشتر ملازمین غائب، تمام عملہ تبدیل کرنے کا حکم

وزیراعلیٰ پنجاب کا لاہور تعلیمی بورڈ کا دورہ، بیشتر ملازمین غائب، تمام عملہ تبدیل کرنے کا حکم
کیپشن: Chief Minister Punjab visits Lahore Education Board, most of the employees are absent, all the staff have been ordered to be replaced

ایک نیوز: وزیراعلی پنجاب محسن نقوی نے لاہور تعلیمی بورڈ کا اچانک دورہ کیا۔ جہاں کھانے کے وقفے سے قبل ہی فیسلیٹیشن سنٹرکا بیشتر عملہ غائب رہا۔ 

تفصیلات کے مطابق وزیر اعلیٰ محسن نقوی نے دفتری اوقات میں عملے کی عدم موجودگی کا سخت نوٹس لیتے ہوئے فوری طور پر تمام عملہ تبدیل کرنے کا حکم دیدیا۔

نگران وزیراععلیٰ نے طلباو طالبات کے لئے تمام سہولتوں کو 7 روز کے اندر آن لائن کرنے کا حکم بھی دیا۔ 

محسن نقوی کا کہنا تھا کہ تعلیمی بورڈ کی سہولتیں آن لائن ہونے سے طلباو طالبات کو بورڈ آفس کے چکر نہیں لگانے پڑیں گے۔ وزیر اعلیٰ محسن نقوی نے صوبائی وزیر تعلیم اور سیکرٹری تعلیم کو فوری طور پر بورڈ پہنچنے کی ہدایت کردی۔ 

انہوں نے کہا کہ طلبا و طالبات کے ایشوز کو ترجیحی بنیادوں پر حل کیا جائے۔ 

بتایا گیا ہے کہ وزیراعلی محسن نقوی بغیر اطلاع تعلیمی بورڈ پہنچے اور طلبا وطالبات کیلئے بنائے گئے مختلف کاؤنٹرز پر گئے۔ جہاں عملہ غائب تھا اورطلبا وطالبات خوار ہورہے تھے۔ 

وزیراعلی محسن نقوی نے تعلیمی بورڈ میں موجود طلبا وطالبات سے ملاقات کی اور سہولتوں کے بارے میں پوچھا۔ طلبا وطالبات نے عملے کی عدم موجودگی کے حوالے سے شکایات کیں اور بتایا کہ بریک سے قبل ہی عملہ کاؤنٹرز پر موجود نہیں۔ 

محسن نقوی نے کہا کہ دفتری اوقات میں عملے کا کاؤنٹرز پر موجود نہ ہونافرائض سے غفلت ہے جو ناقابل برداشت ہے۔ طلبا وطالبات اپنے کام کے سلسلے میں کاؤنٹرز پر موجود ہیں لیکن عملہ غائب ہے۔ یہ کسی صورت قبول نہیں۔

شیئر کریں: