ایک نیوز: سرگودھا میں خاتون ٹیچر کے دیور نے 8 سالہ طالبہ کو زیادتی کا نشانہ بنا دیا،پولیس نے ملزم کو گرفتار کرکے بچی کو اسپتال منتقل کردیا۔
تفصیلات کے مطابق پولیس ذرائع کا کہنا ہے کہ سرگودھا کے گنجان آباد علاقہ مسلم آباد فیکٹری ایریا میں پڑسیوں کے گھر قرآن پاک کی تعلیم حاصل کرنے کے لئے جانے والی 8 سالہ طالبہ کو خاتون ٹیچر کے دیور نے زیادتی کا نشانہ بنادیا ، بچی روتے ہوئے گھر پہنچی تو اس نے اس غیر اخلاقی فعل کا اپنی ماں کو بتایا۔
پولیس کا کہنا ہے کہ 8 سالہ طالبہ دعا کا والد وفات پاچکا ہے اس کی ماں اللہ رکھی کی مدعیت میں ملزم لیاقت علی کیخلاف مقدمہ درج کرکے اسے گرفتار کرلیا ہے،متاثرہ بچی کو ڈی ایچ کیو ٹیچنگ اسپتال منتقل کردیا ہے جہاں اس کا میڈیکل حاصل کیا جائے گا، پولیس کے مطابق گرفتار ملزم سے تفتیش جاری ہے ۔