اداکارہ کومل میرنےشوٹنگ کےدوران رونےکی وجہ بتادی؟

ویب ڈیسک: پاکستان شوبزانڈسٹری کی اداکارہ کومل میرکاشمار ابھرتے ہوئے ستاروں میں ہوتا ہے اور وہ اپنی اداکاری کا لوہا منوا رہی ہیں۔
اداکارہ کومل میرنےحال ہی میں ایک انٹرویودیاجس میں اداکارہ نے اپنی اداکاری کے حوالے سے مختلف پہلوؤں پر بات کی اور بتایا کہ ڈرامے کی شوٹنگ کے دوران ایسے کام بھی کرنے پڑے جس کا انہوں نے کبھی سوچا بھی نہیں تھا۔
کومل میرڈرامےکےشوٹنگ کےبارےمیں گفتگوکرتےہوئےبتایاکہ ایک سین میں انہیں گندے برتنوں سے جھوٹا کھانا کھانا تھا جو ان کیلئے بہت مشکل تھا۔
اداکارہ نے بتایا کہ ڈائریکٹر نے دوپہر کے بچے ہوئے گندے برتن منگوائے اور کہا کہ اس میں سے کھانا کھاؤ، میں نے تھوڑی چیٹنگ کرنے کی بھی کوشش کی لیکن ڈائریکٹر نے منع کردیا اور کہا کہ صحیح سے کھاؤ۔
اداکارہ کی جانب سے ایک اور سین کے حوالے سے بتایا گیا کہ سین میں مجھے میری چچی نے تھپڑ مارنا تھا، وہ سچ میں تھپڑ مارا گیا، میں بہت روئی اور اپنی والدہ سے فون کرکے کہا مجھے اداکاری نہیں کرنی لیکن وہ ایک مختلف تجربہ تھا جو میں نے کیا۔