ویڈیو: برفباری میں ہلا ک ہونے والی خاتون کی زندگی کے آخری لمحات

ویڈیو: برفباری میں ہلا ک ہونے والی خاتون کی زندگی کے آخری لمحات

ایک نیوز : برفانی طوفان میں پھنسی  22 سالہ امریکی خاتون نے اپنی زندگی کے آخری لمحات کی ویڈیو بنا کر گھر والوں کو بھیجی جس میں اسے برفانی طوفان میں پھنسے دیکھا جا سکتا ہے۔  

تفصیلات کے مطابق سماجی رابطوں کی ویب سائٹس پر 22 سالہ امریکی خاتون کا ویڈیو کلپ شیئر کیا جا رہا ہے جو کہ برف میں پھنسی خاتون نے خود بنایا تھا اور اس کے بعد اسے اپنے گھر والوں کو بھیجا تھا۔

ویڈیو میں اس نے اپنی  زندگی کے آخری لمحات کو دکھایا ہے  جب اس کی گاڑی نیویارک کے علاقے بفیلو میں برفانی طوفان میں پھنس گئی۔کلپ میں اینڈیل ٹایلو کو دکھایا گیا جب وہ دوپہر کو کار میں کام سے گھر جا رہی تھی۔ اس کی کار برف میں پھنسی ہوئی تھی اور وہ سخت طوفان اور انتہائی سرد موسم کے درمیان تقریباً 18 گھنٹے تک اپنی گاڑی کے اندر پھنسی رہی۔
غیر ملکی خبر رسا ادارے کی جانب سے شائع کردہ رپورٹ کے مطابق امریکی خاتون ٹیلر نے دو ویڈیوزبنائیں۔ پہلی شام کو جب برف نے اس کی گاڑی کی ونڈشیلڈ کو ڈھانپ لیا تھا جب کہ آدھی رات کے قریب بھیجی گئی ویڈیو میں اس جگہ پر بھاری برف دکھائی دی جہاں اس کی گاڑی پھنسی تھی۔


ٹایلو کی بہن شونیکا نےایک انٹرویو میں بتایا کہ  آنجہانی خاتون نے اسے بتایا تھا کہ وہ بہت خوفزدہ تھیں۔اس نے مزید کہا کہ آدھی رات کے بعد خاندان کا ٹایلو سے رابطہ منقطع ہو گیا۔ جب کہ وہ چند گھنٹے بعد اپنی کار میں مردہ پائی گئی۔ 

شیئر کریں:

Hasan Moavia