ورلڈکپ کیلئے قومی ٹیم کی کٹ کی رونمائی

ورلڈکپ کیلئے قومی ٹیم کی کٹ کی رونمائی

ایک نیوز: پاکستان کرکٹ ٹیم کی ورلڈ کپ 2023کی اسٹارنیشن جرسی کی رونمائی کردی گئی ہے۔

رپورٹ کے مطابق بھارت میں ہونے والے آئی سی سی ورلڈکپ کیلئے ہاکستان کرکٹ ٹیم کی کٹ کی رونمائی کر دی گئی ہے۔قذافی اسٹیڈیم لاہورمیں منعقدہ تقریب میں پاکستان کرکٹ بورڈ کی منیجمنٹ کمیٹی کے چیئرمین ذکا اشرف نےشرکت کی۔ ورلڈ کپ کی یہ اسٹار نیشن جرسی پاکستان کرکٹ کے ہیروزاور ُپرجوش سپورٹرز کے تعلق کو ظاہرکرتی ہے۔ اس جرسی کا ہراسٹار کرکٹ کے میدان میں کارناموں ،چمک دمک اورکچھ کردکھانے کی خواہش کی عکاسی کرتا ہے۔ اس جرسی کے ڈیزائن میں وہ جذبہ بھی نمایاں ہے جوکرکٹ سے محبت کرنے والے ہرپاکستانی کے اندر گونجتا رہتا ہے۔

پاکستان کرکٹ بورڈ کی منیجمنٹ کمیٹی کے چیئرمین ذکا اشرف کا کہنا ہے کہ اسٹار نیشن جرسی سے ہمارے کرکٹرزاورجوشیلے شائقین کے درمیان ہرمیچ میں ایک مضبوط تعلق سے جڑے رہیں گے۔ یہ جرسی ہماری کرکٹ کی شاندارروایات اور ورثے اورروشن مستقبل کی عکاس ہے۔

پاکستان کرکٹ بورڈ کے ڈائریکٹر کمرشل عثمان وحید کا کہنا ہےکہ یہ اسٹارنیشن جرسی صرف ایک یونیفارم نہیں بلکہ اس پر کامیابیاں ، قربانیاں اورکہانیاں نمایاں ہیں۔ اس کا ہر اسٹار شائقین کی بھرپورحوصلہ افزائی اور ہمارے ہیروزکی روایات کو بیان کرتا ہے۔اس میں ایک ایک نکتہ بڑی خوبی سے شامل کیا گیا ہے جس سے یہ ہرپاکستانی میں فخرکا احساس پیدا کرے گی۔

شیئر کریں:

Hasan Moavia