ایک نیوز :پیپلز پارٹی کے بانی ذوالفقار علی بھٹو کی پوتی مصنفہ فاطمہ بھٹو شادی کے بندھن میں بندھ گئیں۔
تفصیلات کےمطابق مرحوم مرتضیٰ بھٹو کی صاحبزادی اور سابق وزیراعظم ذوالفقار علی بھٹو کی پوتی فاطمہ بھٹو جمعرات کے روز گراہم کے ساتھ اپنے خاندانی گھر 70 کلفٹن میں شادی کے بندھن میں بندھیں۔ اس حوالے سے ان کے بھائی ذوالفقار علی بھٹو جونیئر نے ٹوئٹر پر شادی کی تصویر اور تفصیلات جاری کی ہیں۔
انہوں نے شادی کی تصاویر شیئر کرتے ہوئے لکھا کہ ہمارے والد شہید میر مرتضیٰ بھٹو اور بھٹو خاندان کی جانب سے مجھے یہ خوشخبری سناتے ہوئے بہت خوشی ہو رہی ہے۔ میری بہن فاطمہ اور گراہم کی شادی کل ہمارے گھر 70 کلفٹن میں ایک سادہ تقریب میں ہوئی۔ تقریب میں فاطمہ کے چاہنے والوں نے ہمارے دادا کی لائبریری میں شرکت کی، یہ جگہ میری پیاری بہن کے لیے بہت معنی رکھتی ہے۔
On behalf of our father, Shaheed Mir Murtaza Bhutto and the Bhutto family, I’m very happy to share some happy news. My sister Fatima and Graham were married in an intimate nikkah ceremony yesterday at our home, 70 Clifton. pic.twitter.com/SQjPB4yB7r
— Zulfikar Ali Bhutto ذوالفقار علي ڀٽو (@BhuttoZulfikar) April 28, 2023
انہوں نے کہا کہ اس وقت پاکستان کے لوگوں کو جن مشکل حالات کا سامنا ہے ان کی وجہ سے ہم نے محسوس کیا کہ پرتعیش انداز میں شادی کا جشن منانا مناسب نہیں ہوگا۔ ذوالفقار علی بھٹو جونیئر نے اپیل کی کہ فاطمہ اور گراہم کو دعاؤں میں یاد رکھا جائے۔ انہوں نے گراہم کے نام کے جبران بھی لکھا جو ممکنہ طور پر ان کا اسلامی نام ہے۔