ایک نیوز نیوز: آسٹریلیا میں جاری ٹی 20 ورلڈ کپ کے انڈیا اور نیدرلینڈ کے میچ کے دوران ایک انتہائی خوشگوار واقع پیش آیا۔ جہاں سٹیڈیم میں عاشق نے اپنی محبوبہ کو شادی کی پیشکش کردی۔
آئی سی سی کی جانب سے یہ خوشگوار ویڈیو انسٹاگرام پر اپلوڈ کی گئی ہے، جسے سوشل میڈیا صارفین کی جانب سے بہت پسند کیا جارہا ہے۔
ویڈیو میں دیکھا جاسکتا ہے کہ جب لڑکے نے اپنی محبوبہ کو شادی کی پیشکش کی تو اس نے بلاتاخیر ہاں کردی۔ یہ خوشگوار واقع ڈچ اننگز کے ساتویں اوور میں پیش آیا۔
یاد رہے کہ اسی قسم کا ایک واقعہ گزشتہ سال آئی پی ایل کے دوران بھی رونما ہوا تھا۔ جہاں بھارتی فاسٹ بولر دیپک چاہر نے اپنی گرل فرینڈ کو اسٹینڈز پر پروپوز کیا تھا۔