ایک نیوز نیوز: وزیر دفاع خواجہ آصف نے کہا ہے کہ عمران خان کیا کرتے رہے ہیں، آج سب قوم کے سامنے آگیا ہے، اس نے افواج پاکستان کو نشانہ بنایا ہوا ہے اور اسکا محور صرف اس کی ذات ہے۔
تفصیلات کے مطابق وزیر دفاع خواجہ آصف نے اسلام آباد میں پریس کانفرنس کرتے ہوئے کہا کہ عمران خان نے نیوٹرل کے لفظ کو گالی بنادیا، اصلی عمران خان کا تعارف آج قوم کو کرایا گیا ہے۔
وزیر دفاع نے کہا کہ پاک افواج کے افسران نے پریس کانفرنس وفاقی حکومت کو اعتماد میں لیکر کی ہے۔
خواجہ آصف نے کہا کہ عمران خان نے سب سے بڑی واردات سائفر سے شروع کی، ان کو سائفر کی جعلسازی کرنے سے منع کیا گیا، منع کرنے کے باوجود عمران خان نے نیشنل سیکیورٹی کا مسئلہ اپنی ذات کیلئے استعمال کیا۔
وزیر دفاع نے کہا کہ نیشنل سیکیورٹی میٹنگ میں انہیں بتایا گیا لیکن انہوں نے بعد میں تماشا بنادیا، انہوں نے ایک ہی مشن بنا رکھا ہے، ملک کو نفرتوں کیساتھ تقسیم کردیا جائے۔
خواجہ آصف نے مزید کہا کہ ایک ہی ریڈ لائن ہے، آئین و قانون، اس سے بھی زیادہ مقدس شہدا کا خون ہے۔
انہوں نے کہا کہ ارشد شریف کا کینیا جانا کس نے ارینج کیا اس کا بھی پتا چلنا چاہیے۔