ویمنز انڈر19ٹی ٹوئنٹی ایشیا کپ:پاکستانی سکواڈ کا اعلان 

ایک نیوز:اے سی سی ویمنز انڈر19ٹی ٹوئنٹی ایشیا کپ کے لیے پندرہ رکنی پاکستان ویمنز سکواڈ کا اعلان کر دیا گیا۔
 چھ ٹیموں کا یہ ٹورنامنٹ 15 سے 22 دسمبر تک کوالالمپور ملائشیا میں کھیلا جائے گا۔
 زوفشاں ایاز کپتان اور کومل خان نائب کپتان مقرر، پاکستان گروپ اے میں اپنا پہلا میچ 15 دسمبر کو انڈیا کے خلاف کھیلے گا۔ 
اگلے روز پاکستان نیپال کے خلاف کھیلے گا، گروپ بی میں بنگلہ دیش، سری لنکا اور میزبان ملائشیا شامل ہیں، ہر گروپ سے ٹاپ دو ٹیمیں سپر فور مرحلے میں کوالیفائی کریں گی۔