بلائنڈ کرکٹ ورلڈ کپ:آج تین میچزکھیلے جائینگے

ایک نیوز:چوتھے ٹی ٹونٹی بلائنڈ کرکٹ ورلڈ کپ ٹورنامنٹ کے پانچویں روز آج بھی تین میچ کھیلے جائیں گے۔
 میزبان پاکستان بلائنڈ کرکٹ ٹیم آج نیپال کے مد مقابل آئے گی، دیگر میچز میں جنوبی افریقہ کا مقابلہ سری لنکا سے جبکہ افغانستان اور بنگلہ دیش کی ٹیمیں آمنے سامنے ہوں گی۔
دوسری جانب فاسٹ بولرز احمد دانیال اور شاہنواز دھانی زمبابوے کے خلاف جاری ون ڈے انٹرنیشنل سیریز سے باہر ہو گئے، احمد دانیال کو ہمسٹرنگ انجری کا سامنا ہے، شاہنواز دھانی کو ٹریننگ کے دوران بائیں ٹخنے میں چوٹ لگی ہے۔
 ان دونوں کی جگہ عباس آفریدی اور جہانداد خان شامل ہیں، دونوں بولاوایو پہنچ کر جمعرات کو سیریز کے فیصلہ کن میچ کے سلیکشن کے لیے دستیاب ہونگے۔ 
عباس آفریدی اور جہانداد خان ٹی ٹوئنٹی سکواڈ کا بھی حصہ ہیں، ٹی ٹوئنٹی سیریز میں احمد دانیال کی جگہ عامر جمال کی ٹیم میں شمولیت کا امکان ہے۔