ایک نیوز:بالی وڈ کنگ نہ صرف انڈین سینما کے عظیم ترین اداکار سمجھے جاتے ہیں بلکہ پاکستان میں بھی ان کی بڑی تعداد میں فالوونگ پائی جاتی ہے۔
View this post on Instagram
شاہ رخ خان کو خراج تحسین پیش کرنے کیلئے بلوچستان کے گڈانی ساحل پر پاکستانی فنکاروں نے ریت پر ان کا بہترین پورٹریٹ تخلیق کیا ہے۔
راشدی نامی گروپ سے تعلق رکھنے والے فنکار سمیر شوکت نے اس پورٹریٹ کی مختلف تصاویر انسٹاگرام پر شیئر کی ہیں اور ایک فضائی ویڈیو بھی بنائی ہے جس میں کنگ خان کا مکمل پورٹریٹ دکھائی دیتا ہے۔
View this post on Instagram
سمیر شوکت نے پوسٹ میں لکھا کہ یہ شاہ رخ خان کا سب سے بڑا اسکیچ ہے جو میں ںے اور میری ٹیم نے بنایا ہے، انہوں نے دیگر فنکاروں کے نام بھی لکھے جس میں وحید حنیف، کبیر اکبر، سمیر پیٹر اور ذبیح اللہ بلوچ بھی شامل ہیں۔
واضح رہے کہ فنکاروں کا یہ گروپ اس سے قبل بھی گڈانی کے ساحل پر متعدد نامور شخصیات کے ریت پورٹریٹ بنا چکا ہے جن میں لیونل میسی، کرسٹیانو رونالڈو، اشرف حکیمی، نیمار اور ویرات کوہلی شامل ہیں۔