ایک نیوز: شیرا کوٹ گندے نالے کے قریب سے نومولود بچے کی لاش برآمد ہوئی ہے۔
رپورٹ کے مطابق لاہور گندا نالہ بابو صابو کے قریب نومولود بچے کی لاش پڑی تھی جس کی راہ گیروں نے پولیس کو اطلاع دی ۔ واقع کی اطلاع ملتے ہی پولیس موقع پر پہنچ گئی اور لاش کو مردہ خانے جمع کروا دیا۔ پولیس نے نامعلوم شخص کے خلاف مقدمہ درج کر لیا گیا ھے۔
واضح رہے کہ کراچی کےعلاقے نارتھ ناظم آباد بلاک کیو کوہستانی محلے کے قریب گٹر کے ڈھکنے کے اُوپر سے نومولود بچی کی لاش برآمد ہوئی تھی جسے کتا گھسیٹ کر گلی میں لے گیا تھا۔ گٹر کے ڈھکنے کے اُوپر سے ملنے والی لاش میں کپڑے سے پھندا لگا ہوا تھا۔
نومولود بچی کو قتل کرنے کے بعد شاپنگ بیگ میں باندھ کر گلی کے کونے پر پھینکا گیا تھا جہاں سے ایک کتا اس شاپر کو گھسیٹ کر گلی کے اندر لے آیا اسی دوران ایک خاتون کتے بھونکنے پر باہر آئیں تب پتہ چلا تھیلی کے اندر لاش موجود ہے۔