ایک نیوز: مناواں کے علاقے باغ والی پلی کے قریب لوہے کے گودام کی چھت گر گئی جس سے 2 افراد جان کی بازی ہار گئے۔
رپورٹ کے مطابق لاہور، مناواں کے علاقے باغ والی پل ے قریب لوہے کے گودام کی چھت گرنے سے7 افراد ملبے تلے دب گئے۔ واقعہ کی اطلاع ملتے ہی ریسکیو اہلکار موقع پر پہنچ گئے ۔ ریسکیو اہلکاروں نے فوری کارروائی کرتے ہوئے 4 افراد کو ہسپتال پہنچا دیا۔ریسکیو ذرائع کے مطابق 2 افراد موقع پر ہی جاں بحق ہو گئے جبکہ 4 کو ہسپتال پہنچا دیا گیا ہے۔ 2 زخمیوں کی حالت تشویشناک بتائی گئی ھے۔
دوسری جانب استنبول چوک میں گاڑیوں کا تصادم ہوا۔ استنبول چوک میں پک اپ اور بس کے تصادم میں ایک جاں بحق اور 5 افراد شدید زخمی ہو گئے۔
شہر میں افسوسناک حادثات کا ڈی سی لاہور نےنوٹس لے لیا ہے جس کے بعد ڈی سی لاہور رافعہ حیدر کی ہدایت پر اے سی شالیمار مناواں، اے سی سٹی میو ہسپتال پہنچے۔ڈی سی لاہور نے ریسکیو آپریشنز جلد از جلد مکمل کرنے، تمام مشینری بروئے کار لانے کا حکم دیا۔ اے سی سٹی واثق قیوم کا کہنا ہےکہ زخمیوں کو مئیو ہسپتال شفٹ کر کے طبی امداد دی جا رہی ہے۔اے سی شالیمار کا کہناہےکہ فیکٹری حادثہ میں تین شدید زخمی افراد کو مناواں ہسپتال شفٹ کیا جا چکا ہے۔ افسوسناک واقعہ باغ والی پلی مناواں میں سٹیل اور سریا بنانے والی فیکٹری میں پیش آیا۔ڈی سی لاہور کی ہدایت پر واقعہ کی مکمل رپورٹ مرتب کی جا رہی ہے۔