ایک نیوز: میدان عرفات میں حجاج کرام کی سلامتی کے لئے فول پروف سیکورٹی کے اقدامات کیے گئے ہیں تیس ہزار سے زائد عسکری اور پولیس اہلکار ڈیوٹی انجام دیں گے۔
سعودی سیکورٹی فورسز اور پولیس کے علاوہ حج و عمرہ فورس کی جانب سے میدان عرفات کی سیکورٹی کو فول پروف بنایا گیا ہے پہلی مرتبہ ڈرون کیمروں سے نگرانی کی جائے گی اس کے علاوہ ہیلی کاپٹروں کی مدد سے بھی سیکورٹی کو یقینی بنایا جائے گا۔
میدان عرفات کے داخلی اورخارجی راستوں پر سخت چیکنگ کا عمل جاری رہے گا اور میدان عرفات میں حج پرمٹ کے بغیرداخل ہونے والوں کے خلاف کارروائی عمل میں لائی جائے گی۔
میدان عرفات میں عازمین حج کومنظم بنانے امن اور سلامتی کو قائم رکھنے کے لئے سیکورٹی اہلکاروں قواعد وضوابط پرعمل کروائیں گے۔ اس کے علاوہ عرفات میں فیلڈ اسپتال قائم کیے گئے ہیں جن میں سینکڑوں ڈاکٹر اورپیرامیڈیکل اسٹاف ڈیوٹی سرانجام دےگا۔ فائر بریگیڈ کے یونٹس کو بھی میدان عرفات کے گرد مختلف جگہوں پر بنایا گیا ہے۔