ایک نیوز نیوز: پاکستان تحریکِ انصاف (پی ٹی آئی) کے جنرل سیکریٹری اور سابق وفاقی وزیر اسد عمر کا ٹوئٹر اکاؤنٹ ہیک ہوگیا۔
پی ٹی آئی کے آفیشل ٹوئٹر اکاؤنٹ پر اسد عمر کا ٹوئٹر اکاؤنٹ ہیک ہونے سے متعلق خبر کی تصدیق کی گئی ہے۔
اس حوالے سے پارٹی کے آفیشل اکاؤنٹ پر ٹوئٹ میں لکھا ہے کہ پی ٹی آئی کے سیکریٹری جنرل اسد عمر کا ٹوئٹر اکاؤنٹ ہیک ہو گیا ہے۔
IMPORTANT NOTE
— PTI (@PTIofficial) July 26, 2022
PTI Secretary General @Asad_Umar's Account has been hacked. Please report any uncharacteristic tweets to Twitter. We are working with Twitter to get access back.
ٹوئٹ میں اپیل کی گئی ہے کہ براہ کرم اس اکاؤنٹ سے کسی بھی غیر معمولی ٹوئٹ کے موصول ہونے پر اطلاع دیں۔
اس ٹوئٹ میں یہ بھی بتایا گیا ہے کہ اسد عمر کے ٹوئٹر اکاؤنٹ کو بحال کرنے کی کوششیں کی جا رہی ہیں۔
خیال رہے کہ اس سے قبل مئی میں پی ٹی آئی رہنما اور سابق وفاقی وزیر حماد اظہر کے ای میل، ٹوئٹر اور ایپل اکاؤنٹس بھی ہیک کیے گئے تھے، بعد میں حماد اظہر نے اپنا ٹوئٹر اکاؤنٹ بحال کروا لیا تھا۔