آئی سی سی چیمپئنز ٹرافی ، ٹکٹوں کی فروخت بارے تفصیلات سامنے آگئیں  

آئی سی سی چیمپئنز ٹرافی ،  ٹکٹس کی فروخت بارے تفصیلات سامنے آگئیں  
کیپشن: ICC Champions Trophy, ticket sales details revealed

ویب ڈیسک:آئی سی سی چیمپئنز ٹرافی کے گروپ میچز اور پہلے سیمی فائنل کے ٹکٹوں کی فروخت 28 جنوری سے شروع ہوگی۔

جنرل سٹینڈزکے ٹکٹ کی قیمت ایک ہزار پاکستانی روپے رکھی گئی ہے، پریمیئم سیٹس مختلف کیٹگریز میں 1500 روپے سےدستیاب ہوں گی۔

چیف کمرشل آفیسر آئی سی سی انوراگ داھیا کے مطابق دبئی میں انڈیا کے  میچز کے ٹکٹس کے بارے میں جلد آگاہ کیا جائے گا، شائقین خود کو رجسٹر کرالیں، فائنل کے ٹکٹس پہلے سیمی فائنل کے اختتام پر دستیاب ہوں گے۔

چیف کمرشل آفیسر آئی سی سی انوراگ داھیا کے مطابق پاکستان کیلئے  اس ٹورنامنٹ کا انعقاد یادگار لمحہ ہے۔

ٹورنامنٹ ڈائریکٹر سمیر احمد سید نے کہا کہ آئی سی سی چیمپئنز ٹرافی شائقین کو بہترین کرکٹ کے ناقابل فراموش لمحات فراہم کرے گی، نئے اپ گریڈ سٹیڈیمز میں شائقین کھیل کے خوبصورت لمحات سے پوری طرح لطف اندوز ہوسکیں گے۔

سمیر احمد سید نے مزید کہا کہ والدین کیلئے  یہ ایک بہترین موقع ہے کہ وہ اپنے بچوں کو اس کھیل سے روشناس کرائیں اور اس کھیل سے ان کی محبت میں اضافہ ہو۔