ٹرمپ کا برطانوی وزیر اعظم سے ٹیلی فونک رابطہ ،غزہ اور معیشت پر تبادلہ خیال

ایک نیوز:ڈونلڈ ٹرمپ کا برطانوی وزیر اعظم کیئر اسٹارمر سے ٹیلی فونک رابطہ ہوا ہے، ٹیلی فونک بات چیت میں غزہ اور معیشت سمیت اہم امور پر بات ہوئی۔
 ترجمان ٹین ڈاؤنگ سٹریٹ کے مطابق برطانوی وزیر اعظم نے غزہ جنگ بندی کے حوالے سے صدر ٹرمپ کی کوششوں کو سراہا، ڈونلڈ ٹرمپ نے غزہ جنگ بندی معاہدے کی وجہ سے برطانوی نژاد اسرائیلی شہری ایملی ڈامار کی رہائی کے عمل کا بھی خیر مقدم کیا۔
 دونوں سربراہان نے دو طرفہ تعلقات اور معیشت کے حوالے سے گفتگو کی،دونوں رہنماؤں میں جلد ملاقات پر اتفاق بھی کیاگیا۔