ویب ڈیسک:فلپائن کےجزیرےپلوان میں خراب موسم کےباعث 2کشتیاں الٹ گئی،حادثےمیں7افرادلاپتاہوگئے۔
تفصیلات کےمطابق فلپائن میں افسوسناک واقعہ پیش آیاجس میں 2کشتیاں الٹ گئی،حادثہ موسم کی خرابی ،تیزلہروں اورجھوکوں کےباعث ہوا۔
غیر ملکی میڈیا کے مطابق فلپائن کے جزیرے پلوان میں موسم کی خرابی کی وجہ سے 2 کشتیاں حادثےکاشکارہوگئی، کشتی میں سوار تمام مسافر جزیرے پر رہنے والے مقامی افراد تھے جو تیز لہروں اور ہوا کے جھوکوں میں پھنس گئے جس کے سبب ان کی کشتی کو حادثہ پیش آیا۔
پولیس کے مطابق کشتی کو پیش آنے والے حادثے کی اطلاع ملتے ہی ایک کشتی میں سوار4 افراد کو فوری ریسکیو کرلیا گیا جب کہ دوسری کشتی میں سوار7 افراد تاحال لاپتا ہیں۔
پولیس نے بتایا کہ کشتی کو حادثہ کسی طوفان کے سبب پیش نہیں آیا بلکہ شمال مشرق میں مون سون کے زیر اثر سمندر میں طغیانی کشتی کے الٹنے کی وجہ بنی، لاپتا افراد کی تلاش کیلئے نیوی، کوسٹ گارڈ سمیت دیگر ریسکیو اہلکار اپنے فرائض انجام دے رہے ہیں۔
کیپشن: Philippines: 2 boats capsize due to bad weather, 7 people missing