کے ایل راہول اور آتھیا شیٹی کو شادی پرکیا تحفےملے ؟

ایک نیوز :بھارت کے معروف کرکٹر کے ایل راہول سنیل شیٹی کی بیٹی آتھیا شیٹی کیساتھ رشتہ ازدواج میں منسلک ہوچکے ہیں ۔بالی ووڈ سٹارز اور کرکٹرز نےجوڑے کو تحائف سے نواز ا۔
بھارتی میڈیا کے ایل راہول اور آتھیا شیٹھی کو شادی کے موقع پر ملنے والے تحائف کی تفصیلات سامنے لایا ہے جس کے مطابق ویرات کوہلی اور اداکارہ انوشکا شرما نے اس نو بیاہتا جوڑے کو 2کروڑ 17 لاکھ روپے بھارتی مالیت کی پر پر تعیش بی ایم ڈبلیو گاڑی تحفے میں دی ہے۔
سابق بھارتی کپتان مہندرا سنگھ دھونی نے ساتھی کرکٹر کے ایل راہول کو شادی کے موقع پر کاواساکی ننجا اسپورٹس بائیک تحفے میں دی۔ اس بائیک کی مالیت 80 لاکھ روپے بتائی جا رہی ہے۔
بھارتی میڈیا رپورٹس کے مطابق سلمان خان نے اس جوڑے کو1 کروڑ 64 لاکھ روپے بھارتی مالیت کی آڈی کار بطور تحفہ دی ہے۔
بھارتی اداکار جیکی شروف نے ساتھی اداکار کی بیٹی کو قیمتی گھڑی بطور تحفہ دی، جس کی قیمت 30 لاکھ روپے بتائی جا رہی ہے ،ارجن کپور نے اس پُر مسرت موقع پر انہیں ڈیڑھ کروڑ روپے مالیت کا ڈائمنڈبر یسلٹ کا قیمتی تحفہ دیا۔
بھارتی میڈیا رپورٹس کے مطابق 3 روز قبل شادی کی تقریبات سنیل شیٹی کے کھنڈالہ فارم ہاؤس میں منعقد ہوئی۔ تقریب میں مہمانوں کی تعداد محدود رکھتے ہوئے صرف رشتہ داروں اور قریبی دوستوں کو مدعو کیا گیا تھا۔