وزارت خزانہ نےماہانہ معاشی آؤٹ لک رپورٹ جاری کرد ی

ایک نیوز: وزارت خزانہ نےماہانہ معاشی آؤٹ لک رپورٹ جاری کرد ی۔
رپورٹ کے مطابق رواں مالی سال کے7ماہ میں ترسیلات زر، برآمدات اور درآمدات میں اضافہ ریکارڈ کیا گیا ہے، کرنٹ اکاؤنٹ خسارہ سرپلس، بیرونی سرمایہ کاری میں اضافہ ریکارڈہوا،سٹیٹ بینک ذخائر میں اضافہ اور روپے کی قدر مستحکم ہوئی ہے۔
جولائی تا جنوری ترسیلات زر میں 25.2 فیصد کا اضافہ ہوا،برآمدات میں سات ماہ میں 9.7 فیصد کا اضافہ ہوا،درآمدات میں بھی سات ماہ میں 16.8 فیصد کا اضافہ ریکارڈ ہوا، کرنٹ اکاؤنٹ خسارہ جولائی تا جنوری 68 کروڑ ڈالر سے زیادہ سرپلس رہا،سٹیٹ بینک کے زخائر 8 ارب ڈالر سے بڑھ کر 11 ارب 20 کروڑ ڈالر سے زیادہ رہے۔
  رپورٹ میں بتایا گیا ہے کہ ایف بی آر محصولات میں جولائی تا دسمبر 26.2 فیصد کا اضافہ ہوا، جولائی تا دسمبر نان ٹیکس آمدنی میں 82 فیصد کا اضافہ ہوا، مالی خسارے میں جولائی تا دسمبر 36.1 فیصد کی کمی ہوئی ،7ماہ میں مہنگائی کی شرح 28.7 فیصد سے کم ہوکر 6.5 فیصد پر آگئی، بیرون ملک ملازمت کیلئے 63 ہزار سے زیادہ پاکستانی جنوری 2025 میں گئے۔