ایک نیوز :عمرکا تعلق صرف نمبروں سے ہے ورنہ عمر آپ کو اپنے شوق پورے کرنے سے روک نہیں سکتی۔80 سالہ خاتون نے پیراسیلنگ سےہوا میں اڑنےکا شوق پورا کرلیا۔
View this post on Instagram
سوشل میڈیا پربھارتی عمر رسیدہ خاتون کی ویڈیو وائرل ہورہی ہے جس میں بزرگ خاتون کو اپنا شوق پورا کرتے دیکھا جاسکتا ہے۔
ویڈیو میں دیکھا جاسکتا ہے کہ خاتون پیراسیلنگ کے ذریعے ہوا میں بلند ہوگئیں اور اس دوران خاتون نے تمام تر سیفٹی انتظامات کا بھی خیال رکھا۔
ویڈیو بزرگ خاتون کی پوتی سیلینا موسز نے اپنے انسٹاگرام اکاؤنٹ پر شیئر کی جس میں انہوں نے لکھا کہ میری دادی زندہ دل خاتون تھیں اور انہوں نے 80 سال کی عمر میں پیراسیلنگ کی تھی اور کچھ سال پہلے وہ دنیا سے گزر چکی ہیں۔
سیلینا موسز نے اپنی دادی کی یاد میں یہ ویڈیو شیئر کی ہے جس پر صارفین کی جانب سے مختلف تبصروں کا سلسلہ جاری ہے۔