ایک نیوز:وزیراعظم شہبازشریف نے کہا ہے کہ مسائل کا پہاڑ 8 ماہ میں ختم نہیں ہو سکتا، حکومت کو مزید وقت درکار ہے۔
تفصیلات کےمطابق ایک تقریب سے خطاب میں شہبازشریف نے کہا ہے کہ ایک لاڈلے کو تیار کیا جا رہا تھا اس لیے مسلم لیگ کے خلاف بے بنیاد پروپیگنڈا کیا گیا، طوفان بدتمیز تھا، ہمارے اچھے کاموں کو بھی تنقید کا نشانہ بنایا گیا، انہوں نے کہا کہ کہاں گئی پنجاب کی 56 کمپنیوں کا کیس؟ ثاقب نثار پنجاب کی 56 کمپنیوں کے پیچھے پڑ گئے تھے، 5 سال ہو گئے ایک دھیلے کی کرپشن ثابت نہیں ہوئی۔ پروپیگنڈا کر کے پاکستان کی برق رفتار ترقی کو روکا گیا، انشا اللہ چیزوں کو ٹھیک ہونے میں وقت لگے گا، مہنگائی پرعوام صبر و تحمل کا بہترین مظاہرہ کر رہے ہیں، ہمیں فوری طور پر ایسے اقدامات کرنا ہوں گے جس سے زراعت کی ترقی ہو۔
In my meeting with fed. secretaries, I impressed upon them the need for proactive leadership to complete solarisation of public buildings. Whole process will b marked by transparency, pre-qualification & 3rd-party audit. We will acknowledge civil servants for their dedication 2/3
— Shehbaz Sharif (@CMShehbaz) December 27, 2022
شہبازشریف کا مزید کہناتھا کہ جب گیس سستی تھی تب پی ٹی آئی حکومت نے نہیں خریدی، روس، یوکرین جنگ کی وجہ سے عالمی سطح پر پٹرول کی قیمتوں میں اضافہ ہوا، بہاولپور میں جب پہلے سولر پارک کی بنیاد رکھی تھی تب بڑی تنقید کی گئی، قائداعظم سولرپارک کوانتہائی شفاف طریقے سےلگایا گیا، قائداعظم سولر پارک کا کریڈٹ نواز شریف کو جاتا ہے، نوازشریف دورمیں ترقی ٹیم ورک کا نتیجہ تھی۔
As a first step of solarisation project, Government has decided to solarise all public buildings of Federal Ministries & Divisions across the country by April 2023. This revolutionary step will help reduce energy import bill & generate cheap & environment-friendly electricity 1/3
— Shehbaz Sharif (@CMShehbaz) December 27, 2022
ان کا مزید کہنا تھاکہ سرکاری عمارتوں کو شمسی توانائی پر منتقل کریں گے،اتحادی حکومت ملک میں معاشی استحکام کیلئے کوشاں ہے، مہنگی بجلی نے معیشت کے پرخچے اڑا دئیے، آئی ایم ایف پروگرام کے بغیر گزارہ نہیں، 27 ارب تیل، گیس کی امپورٹ پر چلے جاتے ہیں، ترقی اورخوشحالی کہاں سےآئے گی۔