ایک نیوز نیوز: اینٹی کرپشن پنجاب نے مسلم لیگ ن کے ایم این اے چودھری محمد اشرف کو گرفتار کر لیا۔
واضح رہے کہ چودھری محمد اشرف حلقہ این اے 148 ساہیوال سے رکن قومی اسمبلی ہیں۔
ایم این اے چودھری محمد اشرف پر 157 ایکڑ 1 کنال 16 مرلے سرکاری اراضی قبضے میں رکھنے کا الزام ہے۔
ذرائع کے مطابق پٹواری اور ریاست علی گرداور سے مل کرجعلی گرداوری بنا کر اپنے قبضہ میں رکھی ہوئی تھی۔ الزام ثابت ہونے پر گرفتار کیاگیا۔
ملزم چودھری محمد اشرف نے ایک فرضی شخص شریف احمد ہاشمی کو جعلی الاٹی ظاہر کرکے سرکاری رقبہ پر قبضہ کیا ہوا تھا۔
محکمہ اینٹی کرپشن پنجاب نے انکوائری کرکے مقدمہ نمبر 18/22 درج کرکے ایم این اے چودھری محمد اشر ف کو گرفتار کیا گیاہے۔
وزیراعظم شہبازشریف نے مسلم لیگ (ن) کے ایم این اے محمد اشرف کی گرفتاری کی شدید مذمت کی ہے۔ وزیراعظم نے محمد اشرف سے یکجہتی کا اظہار کرتے ہوئے اپنے بیان میں کہا ساہیوال سے رُکن قومی اسمبلی محمد اشرف کی گرفتاری سیاسی انتقام ہے ۔ عمران خان کے کہنے پر اینٹی کرپشن پنجاب کو سیاسی انتقام کے لئے استعمال کیاجارہا ہے ۔ پی ٹی آئی آج بھی بد ترین سیاسی انتقام کی اپنی منفی روش پر کاربند ہے، چار سال آپ یہ سب کرکے دیکھ چکے ہیں ۔ سیاسی انتقام کا ملک اور عوام کو ناقابل تلافی نقصان ہوا ۔نیب، ایف آئی اے کی طرح اب اینٹی کرپشن پنجاب کو سیاسی مخالفین کے خلاف استعمال کرنا انتہائی افسوسناک اور قابل مذمت ہے ۔ سیاسی انتقام سے مخالفین کو دھمکانے کے بجائے عوامی مسائل پر توجہ دینے کی ضرورت ہے ۔