ایک نیوز : بالی وڈ لیجنڈری اداکارہ وحیدہ رحمان کو بھارت کے سب سے بڑے فلمی ایوارڈ دادا صاحب پھالکے لائف ٹائم اچیومنٹ ایوارڈ سے نوازا جائے گا۔
بھارت کے وفاقی وزیر انوراگ ٹھاکر نے ایوارڈ کا اعلان سماجی رابطے کی سائٹ ’’ ایکس‘‘ ( سابق ٹوئٹر) پر کیا ہے ۔ یادرہے پچھلے سال دادا صاحب پھالکے ایوارڈ آشا پاریکھ کو پیش کیا گیا تھا۔
لیجنڈری اداکار نےٹرینڈ سیٹر اور عالمی ایوارڈ یافتہ فلموں’’ گائیڈ‘‘اور’’ ریشما اور شیرا ‘‘میں کام کیا ہے۔
#WATCH: On being conferred with the Dadasaheb Phalke Award, veteran actress Waheeda Rehman says, "I am happy. This is a big award from the government... I want to thank I&B Minister Anurag Thakur for it..." pic.twitter.com/vXVYT6BPFL
— ANI (@ANI) September 26, 2023
انو راگ ٹھاکر کی جانب سے کی جانے والی ٹوئٹ میں وحیدہ رحمان کو خراج تحسین پیش کرتے ہوئے کہا گیا ہے کہ ان کی لاجواب فلمیں ہر نسل کے لئے خوشیاں بانٹنے والی ثابت ہوئیں جن میں پیاسا، کاغذ کے پھول، چودھوی کا چاند، صاحب بیوی اور غلام، گائیڈ، خاموشی اور کئی دیگر شامل ہیں۔
I feel an immense sense of happiness and honour in announcing that Waheeda Rehman ji is being bestowed with the prestigious Dadasaheb Phalke Lifetime Achievement Award this year for her stellar contribution to Indian Cinema.
— Anurag Thakur (@ianuragthakur) September 26, 2023
Waheeda ji has been critically acclaimed for her…
5 دہائیوں پر محیط اپنے کیرئیر میں، انہوں نے اپنے کرداروں کو انتہائی نفاست سے نبھایا، جس کی وجہ سے فلم ریشما اور شیرا میں انہیں نیشنل فلم ایوارڈ سے نوازا گیا۔ پدم شری اور پدم بھوشن ایوارڈ یافتہ، وحیدہ جی نے لگن، عزم اور ایک بھارتیہ ناری کی طاقت کی مثال ہیں جو اپنی محنت سے اعلیٰ ترین پیشہ ورانہ مہارت حاصل کر سکتی ہے۔
یادرہے وحیدہ نے اپنی اداکاری کا آغاز تیلگو فلم روجولو مارائی (1955) سے کیا۔ انہوں نے پیاسا (1957)، گائیڈ (1965)، خاموشی (1969)، پھگن (1973)، کبھی کبھی (1976)، چاندنی (1989)، لمحے (1991)، رنگ دے بسنتی (2006) جیسی کئی فلموں میں کام کیا ہے۔ ، اور دہلی 6 (2009) سمیت بے شمار فلمیں بالی وڈ کو دیں۔