ایک نیوز:محکمہ ریونیو میں کرپشن کےباعث نگران وزیراعلیٰ سندھ نے6 سب رجسٹرارز کو معطل کرنے کا ہدایت نامہ جاری کردیا۔
ترجمان محکمہ ریونیو کے مطابق 6 سب رجسٹراراوں میں بدر میتلو، شاکر وگھیو، ندیم بلوچ، اقبال حسین ، امداد راہپوٹو اور آصف سرکی شامل ہیں، نگران وزیراعلیٰ سندھ نے وزیر ریونیو یونس ڈھاگا کو کرپٹ افسران کے خلاف انکوائری کا حکم بھی دیا۔
واضح رہے کہ تمام 6 سب رجسٹرار چند روز قبل ہی کراچی میں تعینات کیے گئے تھے۔ علاوہ ازیں وزیراعلیٰ سندھ نے سیکرٹری ریونیو کے دفتر میں کام کرنے والے ضیا شاہ کو بھی فوری طور پر ہٹانے کا حکم دیا۔
وزیراعلیٰ سندھ کے مطابق ضیا شاہ پر مختیارکار اور سب رجسٹرار کے تبادلوں میں بڑے پیمانے میں بدعنوانی کے الزامات ہیں۔ جسٹس (ر) مقبول باقر نے تمام رجسٹرار کو ہٹانے کے بعد فوری انکوائری کی ہدایت کی۔
کیپشن: Corruption scandal: Caretaker Chief Minister Sindh has issued an order to suspend 6 sub-registrars