ایک نیوز نیوز: وزیراعظم محمد شہبازشریف نے سعودی ولی عہد اوروزیراعظم شہزادہ محمد بن سلمان سے منگل کے روز الریاض میں ملاقات کی ہے۔
انھوں نے دونوں ملکوں کے درمیان مختلف شعبوں میں دوطرفہ تعلقات کو مضبوط بنانے سے متعلق امور پر تبادلہ خیال کیا ہے اور باہمی دلچسپی کے علاقائی اورعالمی امور پربات چیت کی ہے۔
وزیراعظم شہبازشریف نے ایک ٹویٹ میں کہا ہے کہ انھوں نے دونوں برادرملکوں کے درمیان تعلقات کو تبدیل ہوتی دنیا کے تقاضوں کے مطابق بڑھانے سے اتفاق کیا ہے۔انھوں نے شہزادہ محمد بن سلمان کو بتایا کہ پاکستان کے عوام ان کے دورے کے شدّت سے منتظر ہیں۔
Just had excellent meeting with HRH Cown Prince Mohammed Bin Salman. We agreed to upgrade & enhance bilateral ties & fraternal bonds b/w ???????? & ???????? to new heights in line with the requirements of changing world. I told HRH people of Pakistan are eagerly looking forward to his visit.
— Shehbaz Sharif (@CMShehbaz) October 25, 2022
وزیراعظم اپنے وفد کے ہمراہ جب سعودی ولی عہد شہزادہ محمد بن سلمان سے ملاقات کے لیے شاہی محل پہنچے تو انھوں نے بہ نفس نفیس میاں شہبازشریف اور ان کے رفقاء کا پُرتپاک خیرمقدم کیا۔
اس ملاقات میں وزیراعظم کے ساتھ وزیر خزانہ اسحاق ڈار، وزیردفاع خواجہ آصف، وزیر اطلاعات مریم اورنگزیب اور دیگر حکام بھی موجود تھے۔