نیٹ فلکس پر ’جوان‘ کی حکمرانی برقرار

ویب ڈیسک:بالی وڈ سپر اسٹار شاہ رخ خان کی فلم ’جوان‘ نے او ٹی ٹی پلیٹ فارم پر اپنی حکمرانی کو برقرار رکھا ہوا ہے۔ 
’جوان‘ 7 ستمبر کو سینما میں ریلیز کیلئے پیش کی گئی اور وہ اب تک ہندی سینما کی سب سے زیادہ کمائی والی فلم بن چکی ہے۔
شاہ رخ خان کی سالگرہ کے موقع پر ایٹلی کی بلاک بسٹر فلم کو نیٹ فلکس پر ہندی، تامل اور تیلگو میں پوری دنیا کے ناظرین کیلئے پیش کیا گیا تھا۔اب اداکار نے ایک سوشل میڈیا پوسٹ میں اعلان کیا ہے کہ ’جوان‘ دو ہفتوں کے دوران نیٹ فلکس پر سب سے زیادہ دیکھے جانے والی فلم بن چکی ہے۔
شاہ رخ خان نے پوسٹ کے ساتھ لکھا کہ نیٹ فلکس پر ’جوان‘ کی کامیابی انڈین سینما کی عمدگی کو پوری دنیا میں اجاگر کرتی ہے۔