ایک نیوز: ٹویٹر نے ایک نئی ایپلی کیشن پروگرامنگ انٹرفیس کا آغاز کیا ہے، جسے ٹوئٹر اے پی آئی پرو کا نام دیا گیا ہے۔
رپورٹ کے مطابق یہ اپلیکیشن اسٹارٹ اپس کے لیے مخصوص ہے، جس کی لاگت 5,000 ڈالر مہینہ ہے۔ اس کے تحت ڈویلپرز ہر ماہ 10 لاکھ ٹویٹس حاصل کر سکیں گے، ہر ماہ 3,00,000 ٹویٹس پوسٹ کر سکیں گے اور مکمل آرکائیو سرچ اینڈ پوائنٹ تک رسائی حاصل کر سکیں گے۔
ٹویٹر ی جانب سے کہا گیا کہ ہم اپنا نیا رسائی ٹائر ٹویٹر اے پی آئی پرو شروع کر رہے ہیں۔ ہمارے طاقتور ریئل ٹائم فلٹرڈ/اسٹریم اور مکمل آرکائیو تلاش کے اختتامی پوائنٹس سمیت ہر ماہ 1 ملین ٹویٹس کے ساتھ اپنے کاروبار کی تشہیر کرسکتے ہیں اور صارفین کی توجہ حاصل کرسکتے ہیں۔
کئی صارفین نے ٹوئٹر پر اس پیش رفت پر اپنے خیالات کا اظہار کیا۔
ایک صارف نے تبصرہ کیا کہ یہ اچھا ہے لیکن آپ نے پہلے ہی زیادہ تر ٹویٹر ایپس کو مار ڈالا ہے اور 5 ہزار ڈالر بھی ہم میں سے اکثر کے لیے بہت زیادہ ہے۔ ایک ہزار سمجھ میں آ سکتا ہے لیکن ایک بار پھر بہت دیر ہو چکی ہے۔
ایک اور صارف نے کہا کہ پانچ ہزار ڈالرہمارے ماہانہ بجٹ کا نصف اور ہمارے اسٹارٹ کی مکمل آمدنی ہے،یہ مناسب قیمتوں نہیں ہیں، اس کو مزید کم ہونا چاہیے۔ مزید برآں ایک اور صارف نے کہا کہ کوئی بھی ڈویلپر دوبارہ ٹویٹر پر بھروسہ نہیں کرے گا۔