ایک نیوز: دبئی میں پیپلزپارٹی اور ن لیگ کےدرمیان ملاقاتوں کی اندرونی کہانی سامنے آگئی۔
ذرائع کے مطابق پیپلز پارٹی نے پنجاب سمیت دیگر صوبوں میں سیٹیں مانگ لیں،گیلانی خاندان،پرویزاشرف،کائرہ،ندیم افضل چن اورکچھ دیگرحلقوں میں ن لیگ اپنےامیدوارکھڑانہیں کریگی،شہبازشریف بھی لندن سے دوبئی پہنچیں گےاورپی پی سےہونیوالی میٹنگ میں موجودہوں گے،وزیراعظم شہباز شریف پیپلز پارٹی اور ن لیگ میں مصالحتی کا کردار اد کر رہے ہیں،دبئی میں ہونےوالی اہم ملاقات میں نگران وزیراعظم کا نام بھی فائنل کیاجائےگا۔
ذرائع کے مطابق الیکشن کی تاریخ بھی اسی ملاقات کے دوران دونوں جماعتیں فائنل کریں گی،اسمبلی کی مدت پوری ہونےسےپہلےاسمبلی توڑنےکےمعاملےپربھی غور ہوگا،اسمبلی وقت سےپہلےتوڑنےسےالیکشن مہم کےلیےوقت مل سکےگا،ن لیگ کے کچھ مزید رہنما میں دبئی اس میٹنگ میں شرکت کے لیے جائیں گے،دونوں جماعتوں کے درمیان ہونے والی ملاقات میں اپوزیشن لیڈرز کا نام بھی فائنل کیا جائیگا،استحکام پاکستان اور ق لیگ کو کتنی سیٹوں پر ایڈجسٹ کرناہے،اس پربھی بات ہوگی۔