ایک نیوز: چیمپئنز ٹرافی میں آج ہونے والے میچ میں افغانستان نے انگلینڈ کیخلاف ٹاس جیت کے بیٹنگ کا فیصلہ کیا ہے۔
لاہور میں دونوں ٹیموں گروپ بی سے مدمقابل ہیں اور اس ٹورنامنٹ میں دونوں ٹیموں کو اپنے پہلے میچ میں شکست ہوئی تھی،آج کا میچ لاہور کے قدافی سٹیڈیم میں کھیلا جارہا ہے۔
ٹاس کے بعد کی گئی گفتگو میں کپتان حشمت اللہ کا کہنا تھا کہ دوسری اننگزمیں پچ سلو ہوجاتی ہے جس سے ہمارےسپنرز کو مددملےگی، دوسری جانب انگلینڈ کے کپتان جوز بٹلر نے کہا کہ وکٹ بہت اچھی لگ رہی ہے، اچھا کھیل کر میچ جیتنے کی کوشش کریں گے ۔
انگلش ٹیم کے کپتان نے کہا کہ انگلینڈ کی ٹیم میں ایک تبدیلی کی ہے ،برائیڈن کارس کی جگہ جیمی اورٹن ٹیم کو شامل کیا گیا ہے۔
خیال رہے کہ گزشتہ روز آئی سی سی چیمپئنز ٹرافی میں جنوبی افریقہ اور آسٹریلیا کے درمیان ہونیوالا اہم میچ بارش کے باعث منسوخ کردیا گیاتھا،راولپنڈی میں شیڈول آسٹریلیا اور جنوبی افریقہ کے درمیان میچ کا ٹاس بھی نہ ہوسکا، میچ کا ٹاس مقامی وقت کے مطابق 1 بج کر 30 منٹ پر ہونا تھا۔