صدر سے پارلیمانی وفد کی ملاقات ،شکایات کے انبار لگادیئے

ایک نیوز: صدر مملکت آصف علی زرداری سے پارلیمانی وفد کی ملاقات کی اندرونی کہانی سامنے آگئی۔
پیپلز پارٹی پارلیمانی وفد اور رہنماوں نے آصف علی زرداری کے سامنے شکایات کے انبار لگا دیے، ذرائع کے مطابق انتظامی معاملات میں پیپلز پارٹی کے اراکین کو نظر انداز کیا جاتا ہے، ترقیاتی فنڈز کی تقسیم کے معاملہ میں بھی ترجیح نہیں دی جا رہی، پیپلز پارٹی کے پارلیمانی وفد نے حلقوں کے مسائل پر بھی آگاہ کیا۔
صدر پاکستان آصف علی زرداری کا کہنا ہے کہ اتحادی حکومت کے ساتھ چلنا ہماری مجبوری ہے، جانتا ہوں کہ تحریری معائدے کے نکات پر عملدرآمد نہیں ہو رہا،پیپلز پارٹی پارلیمانی وفد آئندہ بجٹ آنے تک مسائل حل ہونے کا انتظار کریں، آصف علی زرداری نے مرحلہ وار پارلیمانی وفد کے اراکین اور تنظیمی رہنماؤں سے ملاقاتیں کیں ۔