ویب ڈیسک:پیدائشی طور پر 4ٹانگوں والے نوجوان کی ڈاکٹروں نے کامیاب سرجری کر کے اسکو نئی زندگی دے دی۔
بھارتی میڈیا کا کہنا ہے کہ بھارت کے شہر نئی دہلی کے ڈاکٹروں نے طبی کارنامہ انجام دیتے ہوئے 17سالہ لڑکے کی کامیاب سرجری کی جو کہ پیدائشی طور پر4ٹانگوں کیساتھ پیدا ہوا تھا، نوجوان کی 2 اضافی ٹانگیں اسکے پیٹ سے جڑی ہوئی تھیںتاہم آپریشن کے بعد اضافی ٹانگیں الگ کر دی گئیں۔
آل انڈیا انسٹی ٹیوٹ آف میڈیکل سائنسز کے ڈاکٹر کرشنا کا کہنا ہے کہ 17سالہ لڑکا اتر پردیش کے ضلع بالیا سے تعلق رکھتا ہے اور اسے28جنوری کو ہسپتال لایا گیا تھا، ڈاکٹروں کے معائنہ کرنے سے پتہ چلا کہ اس کا آپریشن پیچیدہ ہے مگر مشکل نہیں ۔
ڈاکٹرنے بتایا کہ ان اضافی ٹانگوں کے باعث اس لڑکے کے جسم کی نشوونما درست طریقے سے نہیں ہو رہی تھی اور یہ ٹانگیں اسکے دیگر اعضا کو بھی نقصان پہنچا رہی تھیں، بھارتی میڈیا کے مطابق ڈاکٹر کرشنا نےکہا کہ اس قسم کے کیسزایک کروڑ افراد میں صرف ایک بار دیکھنے کو ملتے ہیں۔
ڈاکٹروں کاکہنا ہے کہ یہ اس وقت ہوتا ہے جب جڑواں بچوں کا حمل ہو لیکن ان میں سے ایک کا جسم مکمل طور پر نشوونما نہ پا سکے اور اسکے اعضا دوسرے بچے کے جسم سے جُڑ جاتے ہیں،یہ آل انڈیا انسٹی ٹیوٹ آف میڈیکل سائنسز نئی دہلی میں اپنی نوعیت کا پہلا کیس تھا۔
کیپشن: Achievement of Indian doctors, successful surgery of a young man with 4 legs