غزہ میں اسرائیلی جارحیت پرخود سوزی کرنیوالا امریکی فوجی دم توڑ گیا

ویب ڈیسک: غزہ میں اسرائیلی جارحیت کے خلاف خودسوزی کرنے والا امریکی فضائیہ کا اہلکار ارون بشنل دم توڑ گیا۔
امریکی فوجی نے واشنگٹن ڈی سی میں واقع اسرائیلی سفارتخانے کے باہر غزہ پر اسرائیلی مظالم کے خلاف احتجاج کرتے ہوئے خودکو آگ لگالی تھی اور امریکی فوجی فلسطین آزاد کرو کے نعرے بھی لگاتا رہا تھا۔
امریکی فضائیہ کے اہلکار کی شناخت 25 سالہ ارون بشنل کے نام سے جاری کی گئی ہے اور وہ آن ڈیوٹی تھا۔
واضح رہے کہ 7 اکتوبر سے جاری اسرائیل کے وحشیانہ حملوں میں فلسطینی شہدا کی تعداد 30 ہزار تک پہنچ گئی ہے جبکہ اقوام متحدہ کے مطابق غزہ میں شہید ہونے والوں میں 90 فیصد خواتین اور بچے شامل ہیں۔