پی آئی اے کی ایک اور خاتون فضائی میزبان کینیڈا میں ’سلپ‘ہوگئی

ویب ڈیسک: پی آئی اے کی ایک اور خاتون میزبان کے کینیڈا میں مبینہ طور پر ’سلپ‘ ہوگئی۔
ذرائع کے مطابق پاکستان انٹرنیشنل ائرلائنز کی مریم رضا نامی فضائی میزبان پاکستان سے ٹورنٹو کی پرواز نمبر پی کے 782 پر تعینات تھیں، جنہیں واپسی کی ٹورنٹو سے کراچی فلائٹ پی کے 784 پر فرائض انجام دینا تھے۔
مریم رضا کے کینیڈا میں ’سلپ‘ (لاپتا) ہونے کا معاملہ واپسی کی پرواز پر ڈیوٹی کے لیے رپورٹ نہ کرنے پر ہوا۔ جس پر معلوم ہوا کہ مریم رضا کے کمرے میں ہینگ یونیفارم پر شکریہ پی آئی اے پر مبنی نوٹ لکھا پایا گیا۔
واضح رہے کہ رواں برس قومی فضائی کمپنی پی آئی اے کی 2 خواتین سمیت مبینہ طور پر سلپ ہو جانے والے فضائی میزبانوں کی تعداد 3 ہو گئی ہے۔ سلپ ہو جانے کی روک تھام کے لیے ٹورنٹو کی پروازوں پر تعینات فضائی میزبانوں کے پاسپورٹس اسٹیشن مینیجر کی پاس جمع کرلیے جاتے ہیں ، تاہم پاسپورٹس جمع کر لینے کی پالیسی بھی میزبانوں کے سلپ ہونے کو روکنے میں کارگر ثابت نہیں ہو سکی۔