ایک نیوز :معروف یوکرینی گلوکارہ کمالیہ کا نیا گانا”پریٹی گرل“ ریلیز ہوتے ہی سوشل میڈیا پر چھاگیا گانے کو دیکھنے والوں کی تعداد لاکھوں تک پہنچ گئی۔ سوشل میڈیا اور میوزک چینلز پر ٹاپ ٹین پوزیشن حاصل ہوگئی ۔
سابق مس ورلڈ اداکارہ و گلوکارہ کمالیہ کا یہ اردو زبان میں پہلا گانا ہے جس کو نامور میوزک پروڈیوسر نعمان حیدر نے پرڈیوس کیا ہے گانے کا میوزک عرفان سلیم اور علی مصطفی نے ترتیب دیا ہے گانے کو آرٹلین سینس اور نعمان حیدر پروڈکشن کے ذریعے ورلڈ وائیڈ ریلیز کیا گیا ہے۔
گلوکارہ کمالیہ کو پاکستانی میڈیا میں اس وقت شہرت حاصل ہوئی جب انہوں نے دل دل پاکستان گاکر پاکستانی عوام کے دل جیت لئے تھے اب انہوں نے اپنا پہلا اردو گانا ’ پریٹی گرل “ ریلیز کردیا ہے جس کو میوزک حلقوں اور شائقین موسیقی کی جانب سے بے حد پذیرائی حاصل ہورہی ہے گلوکارہ کمالیہ کو پاکستان کے نامور پروڈیوسر نعمان روف حیدر نے اپنے پروڈکشن کے پلیٹ فارم سے باقاعدہ میوزک کی دنیا میں لانچ کردیا ہے۔
گلوکارہ کمالیہ کا میڈیا سے گفتگو میں کہنا تھا کہ پاکستان سے ہمیشہ مجھے بے حد پیار عزت ملی میری توقع سے زیادہ میرے پہلے اردو گانے کو پریٹی گرل کو بہت پذیرائی حاصل ہورہی ہے۔
پروڈیوسر نعمان رؤف حیدر کا کہنا تھا کہ میری ہمیشہ کوشش رہی ہے کہ میوزک کی دنیا میں منفرد خوبصورت تخلیقات کا مظاہرہ کرتے ہوئے اپنا کام جاری رکھوں میوزک انڈسٹری میں شائقین کے لیے غیر معمولی ٹرینڈز متعارف کرواتا رہو۔اپنے پروڈکشن ہاؤس کے ذریعے جہاں مشہور معروف گلوکاروں کے گانے پرڈیوس کر رہا ہوں وہی نیو ٹیلنٹ کو پاکستان سمیت دنیا بھر میں متعارف کروا رہا ہوں ۔