منی لانڈرنگ کیس : مونس الہی کا شناختی کارڈ بلاک کر دیا گیا 

ایک نیوز: مونس الہی کیخلاف منی لانڈرنگ کیس میں بڑی پیش رفت ہوئی ہے، عدالتی احکامات پر مونس الہی کا شناختی کارڈ بلاک کر دیا گیا ہے۔
ترجمان ایف آئی اے لاہور کا کہنا ہے کہ مونس الہی کا پاسپورٹ بھی کنٹرول لسٹ میں ڈال دیا گیا، مونس الہی کیساتھ6اور ملزمان کا شناختی کارڈ بھی بلاک کر دیا گیا ہے، ملزمان کا شناختی کارڈ اینٹی منی لانڈرنگ سرکل لاہور میں ایف آئی آر نمبر 16/2023 میں بلاک کیا گیا۔
ترجمان ایف آئی اے لاہور کے مطابق جن دیگر ملزمان کا شناختی کارڈ، اینٹی منی لانڈرنگ کیس میں بلاک کیا گیا ہے ان میں عامر سہیل، عمیر فیاض، امتیاز علی شاہ، فرصت علی اور عابد علی خان شامل ہیں۔
ڈائریکٹر ایف آئی اے لاہور سرفراز خان ورک کا کہنا ہے کہ منی لانڈرنگ میں ملوث ملزمان کسی رعایت کے مستحق نہیں ہیں، عدالت ان ملزمان کے خلاف جو بھی احکامات دے گی ان پر عمل درآمد ہو گا۔