ایک نیوز: کراچی میں لسبیلہ چوک دھماکے کے بعد سے لاپتہ 22 سالہ اریب کا پتہ چل گیا، دھماکے میں وہ بھی جاں بحق ہو گیا تھا، اس کی لاش سیوریج نالے سے ملی۔
تفصیلات کے مطابق گزشتہ روز لسبیلہ چوک سیوریج لائن دھماکے میں اریب لاپتہ ہو گیا تھا۔ وہ دکان سے چینج لینے آیا تھا مگر دھماکہ ہونے پر اس کا کچھ پتہ نہ چل سکا تھا۔
علاقہ مکینوں نے اپنی مدد آپ کے تحت اریب کی تلاش جاری رکھی اور آخر کار سیوریج نالے سے اس کی لاش برآمد ہو گئی جسے عباسی شہید ہسپتال منتقل کر دیا گیا۔