ایک نیوز: بھارت کی طرف سے دریائے ستلج میں سیلابی پانی چھوڑا گیا جس کے بعد پاکستان آرمی کی سیلاب زدگان کیلئے امدادی سرگرمیاں شروع کردیں۔
رپورٹ کے مطابق پاک فوج کی جانب سے بہاولپور ڈویڑن کے نشیبی علاقوں میں امدادی سرگرمیاں جاری ہیں۔ سیلاب متاثرین کیلئے پاک آرمی کی طرف سے فری میڈیکل کیمپس اور ریسکیو آپریشن سمیت فری راشن تقسیم کیا جارہا ہے ۔
پاک آرمی کی جانب سے میلسی، چشتیاں، منچن آباد ، پاکپتن ، عارف والا، وہاڑی ، لودھراں، بورے والا اور ہیڈ سلیمانکی میں مقامی انتظامیہ سے مل کر متاثرہ علاقوں سے سیلاب متاثرین کو محفوظ مقامات پر منتقل کرنیکا سلسلہ بھی جاری ہے۔ سیلاب کے دوران وبائی امراض سے بچانے کے لیے میڈیکل کیمپس بھی قائم کردیئے گئے ہیں جس میں بڑی تعداد میں متاثرین کو مفت طبی امداد فراہم کی جا رہی ہے۔
https://www.pnntv.pk/uploads/digital_news/2023-08-26/news-1693033833-1301.mp4